Պատմություններ այն մասին, թե ինչպես փոքր, բայց խելացի և ստեղծարար մարքեթինգային գաղափարները կարող են զգալիորեն փոխել բիզնեսի արդյունքները։ Սա տեսական դասախոսություն չէ, այլ իրական փորձերի և օրինակների քննարկում՝ այն մասին, թե ինչն է այսօր աշխատում թվային մարքեթինգում։ Օգտատերերի վարքագծի և շուկայական մրցակցության պայմաններում փոքր սխալ կամ ուշացում կարող է հանգեցնել եկամուտների կորստի, իսկ ճիշտ, ժամանակին կիրառված ստեղծարար քայլերը՝ անմիջականորեն բարձրացնել բրենդի տեսանելիությունը և վաճառքները։ Միացեք միջոցառմանը և քննարկենք, թե ինչպես փոքր, բայց խելացի գաղափարները կարող են ստեղծել մեծ ազդեցություն բիզնեսի համար։ *Ում համար է* Մարքեթինգի մասնագետներ, մարքեթինգով հետաքրքրվողներ, ուսանողներ, սկսնակ ու փորձառու մասնագետներ Ընկերության հիմնադիրներ, ղեկավարներ, SMM և բովանդակություն ստեղծողներ Growth, product marketing-ով հետաքրքրվողներ Ինչպես նաև բոլոր նրանց համար, ովքեր ուզում են հասկանալ՝ ինչպես փոքր, ստեղծարար գաղափարները կարող են մեծ արդյունք տալ։ *Օրակարգ* 12:00 - 12:30 | Շրջայց Վուդս կենտրոնում 12:30 - 13:15 | Ստանդարտ հավելվածային paywall-ներից դուրս (case study) Ինչպես 10 վայրկյանանոց meme անիմացիան փոխեց այն ձևը, որով կրիպտո հավելվածը վաճառում է պրեմիում բաժանորդագրությունները։ Այս case study-ն ներկայացնում է ռազմավարությունը, արդյունքները և այն, թե ինչու դա աշխատեց։ 13:15 - 14:15 | Իրավիճակային մարքեթինգ և լրախցկում (Newsjacking) Իրավիճակային մարքեթինգի և լրախցկման իրական case study-ներ ինչպես տեղական, այնպես էլ գլոբալ շուկաներում։ Նյութը հարուստ է գործնական օրինակներով, որոնք ցույց են տալիս, թե ինչպես այս մեթոդները կարող են ուղղակիորեն ազդել եկամուտների վրա։ Մանրամասներ Մարտի 28 12:00 - 14:15 Վուդս կենտրոն Մուտքն ազատ է, մասնակցությունը պարտադիր գրանցումով Խոսնակ՝ *Տիգրան Մկրտչյան, Թվային մարքեթինգի ղեկավար @CoinStats* Աճի մարքեթինգի մասնագետ՝ կրիպտո նախագծերի և թվային հավելվածների ոլորտում փորձառությամբ։ Փորձ ունի ինչպես product-led, այնպես էլ marketing-led ռազմավարությունների մեջ։ Ելույթ է ունեցել MAU Vegas, Business of Apps Berlin, և App Promotion Summit London միջոցառումներում։ Նրա case study-ները հրապարակվել են Business of Apps, RevenueCat, և Retention.Blog հարթակներում։ CoinStats-ում Տիգրանը զրոյից ձևավորել է մարքեթինգային թիմը և հասցրել այն մինչև 8 անդամի։ Թիմը ապահովել է եկամուտների 5 անգամ աճ, վեբ կայքի օրգանական տրաֆիկի 19 անգամ աճ և հավելվածի օգտատերերի օրական պահման մակարդակի 10 տոկոսային աճ։ Նրանք գործարկել են 40-ից ավելի ավտոմատացված lifecycle արշավներ տարբեր ալիքներով, KOL-ների հետ համագործակցությամբ հասել են 250% ROI-ի LTV/CAC հարաբերակցությամբ 5.8 և KOL տեսանյութերի միջոցով YouTube-ում ապահովել են ավելի քան 8 միլիոն դիտում։ Twitter-ի հետևորդների թիվը աճել է 6 անգամ։ Թիմը նաև ապահովել է հրապարակումներ ավելի քան 20 կրիպտո մեդիա հարթակներում և ձևավորել համագործակցություններ OKX, CoinGecko, Bitget և այլ ընկերությունների հետ։ Ավելի վաղ Տիգրանը հիմնել և ղեկավարել է թվային մարքեթինգի թիմը Ucom-ում, որը Հայաստանի առաջատար հեռահաղորդակցական ընկերություններից է։ Նա թիմը ձևավորել է զրոյից և հասցրել մինչև 5 անդամի։ Կազմակերպիչ՝ Արդի Ակադեմիա